估唔到睇財經雜誌都睇到娜姐呀下
真心讚
【Focus封面故事 鐵路連繫本土情】
周秀娜和西環三寶一段情
10歲由潮州來港的周秀娜，是名副其實的「西環人」，在區內讀書長大住了十多年。「西環三寶」之一的祥香茶餐廳，她光顧十多年，小店熟客之間更建立起一份街坊情。祥香茶餐廳老闆周錫豐，和周秀娜同是「架己冷」，兩人同鄉聚舊，一見面就用潮州話寒暄。周秀娜在茶餐廳邊吃著蛋撻邊笑說：「可能大家都係姓周，老闆特別親切。」 周老闆聽到後笑逐顏開說：「今日你唔好彩，無哂菠蘿油，食住蛋撻先啦。」
「西環三寶」美食，是指三間在卑路乍街的街坊食店。自西港島線動工，區內租金急升、多幢舊樓獲收購，粥店卓記搬到市政大樓，新中華飯店受重建影響結業，只剩下以蓮蓉雞尾包、蛋撻馳名的祥香留守。僅存的祥香茶餐廳，舖位對面的舊樓被發展商拆掉重建，幾十層高的大廈已見初型。周秀娜近年已搬到半山租住豪宅，只是間中到西環和朋友飯聚，幾年間社區轉變之快，她覺得每次到訪，都有熟悉的舊建築和商店消失：
「無諗過這區幾年間咁多舊樓被發展商收咗，起做單幢式豪宅，慢慢同其他區同化。祥香對面係咁，我以前住的業昌大廈（屈地街附近），後面（南里）都有幾個地盤起緊。茶餐廳隔離的堅尼地城海傍，開咗好多新餐廳同酒吧，雖然我都好鍾意去食，但好多回憶無咗。」
去年這位娛樂圈小富婆，想為住慣西環的家人買樓，但看過西營盤第三街和堅尼地城的新盤，都覺得價錢和設計不合心水，而沒有入市：「可能（家人）住慣舊樓，覺得舊樓７００呎但設計好實用，一家六口住都唔覺太逼。現在舊樓重建的單幢樓，我覺得唔太好住而且貴，買就唔太抵。我諗鐵路概念對本身在西環有樓，住的人方便，但好似我咁想買樓，價錢就唔太化算。」
周老闆在西環居住多年，他亦感概從前渴望新鐵路開通，解決塞車問題，但自從6年前西港島線開始動工，他反而有點想起以往寧靜的小社區面貌：「其實想有鐵路想咗20年，但這幾年越近開幕就越矛盾，街坊被人加租，附近起好多新樓，拉高咗這區租金。」
周老闆讚業主富人情味，每月租金只是約６萬元，小店才可長做長有。去年12月堅尼地城地鐵站開通後，區外客聞風而至光顧，茶餐廳閒日都有人龍出現，每日出爐500個招牌蓮蓉雞尾包，下午2點多己售罄。周老闆說通車一個月後，熱潮已消退，但周末生意額較以往平均升一成：「以前區外人無聽過這條街、「西環三寶」特登跑來食。周末生意都唔錯，但平日都要好似以前咁，靠街坊生意，密食當三翻。」
請留意第388期《iMoney Focus》封面故事。
◆◆◆◆◆◆◆◆◆◆◆◆◆◆◆◆◆◆
《iMoney智富雜誌》
訂閱：http://imoney.hket.com/im/subscription
◆◆◆◆◆◆◆◆◆◆◆◆◆◆◆◆◆◆
＃周秀娜 ＃西環三寶 ＃祥香 ＃菠蘿油 ＃堅尼地城 ＃西營盤 ＃西區 ＃潮州
Search